將軍: 日本地震對環球股市影響不大

首先, 我先為日本地震既受害者致哀, 致以深切慰問, 我亦會為他們祈禱.

但另一方面,我地都要為自己和客人既投資評估一下. 我認為這次地震雖然嚴重, 但真正傷亡和對世界其他地方既影響不大,主要係日本本身受害, 而這次亦比起之前神戶地震等事件既影響為低. 根本對中國,香港和歐美既股市無影響. 唯一有機會影響到就因為資金需要班師回日本救國,但相信這批資金亦有限, 市場上亦不太缺錢.

而參考之前幾次大災難或大事件如六四, 南亞海嘨, 中國地震, 各地雪災, 水災等, 都只是造成短期(2-3天)恐慌, 之後亦回復正常, 沒有大礙. 因此我估計今次亦不例外, 股市最多波動多1-2天, 因上週五已作出回應 (下跌), 但尾市已見日本和香港回升, 美國仲升50多點tim.

所以, 明天和週二應是買貨, 而不是沽貨既時候. 反而市場所擔心既係美國會否無QE3, 中東打仗會否動真格而大幅推高油價, 同埋中國keep住收緊銀根(加息,存款準備金率), 但係歐洲債權問題, 日本地震只是用來炒作而已. 但至去年以來, 大多中國和香港既企業都賺大錢, P/E低(約13倍), 息率唔錯(約3-4%), ROE大多有20%, 雖然通脹, 成本上升, 但大多數都轉嫁到 (除了低增值工業公司/產品).

而且中國, 亞洲多國增長強勁, 歐美都正在復甦, 尤其中國政府今年推12五計劃, 要經濟轉型, 今明兩年股市應都不差, 而且有機會見高位. 因此, 我重申逢低吸納中資受惠國策股如一拖 (38), 中國建材 (3323) , 中國聯塑 (2128) , 中金再生(773) , 信義玻璃 (868) ; 經濟復甦受惠股: 江西銅 (358) , 中海油 (883) 和勝獅貨櫃 (716) , 止損保護在買入價以下15%. 另外, 亦可買入中國基金.


利益申報: 筆者持有一拖 (38), 中國聯塑 (2128) , 中金再生(773) , 中海油 (883)


將軍