青心直說 [胡孟青] 2011 04 12 [轉載]

[size=3][color=#0000ff][b]息低禍更深[/b][/color][/size]
[size=3][color=#0000ff][/color][/size]
蒙代爾是歐元之父，但創業容易守業難，新一代歐元之父，我揀歐洲央行行長特里謝。因為佢唔屈服於政商壓力，夠膽加息，就算死豬一隻接一隻，歐元不死之餘，升勢更有餘未盡。伯南克遇上特里謝，勝負未分，但道理明顯：做人目標越簡單越好。
歐洲加息，反映形勢比人強，美金將不幸加快崩潰。金升油升銀發癲，有人話肥仔係明燈，佢 5年前金手指篤白銀，組成白銀戰隊， 10年內預見一盎斯升見 120美元。按目前美金走勢，大肥預言有望成真，謹代表佢向伯南克致謝。
雖然金融大鱷索羅斯話到明，佢唔 Like今次特里謝嘅做法，理由係佢覺得現時歐債危機未完，深陷債務泥淖嘅國家將更加雪上加霜。唔係話唔可以加，而係應該揀一個較佳時間加，冰島喺金融海嘯期間欠落英國同荷蘭 40億歐元嘅巨債，隨時凍過水。

套息交易停不了
歐洲一體化根本就係笑話，特里謝似有意放棄歐豬國，唔畀命懸一線嘅歐豬陀衰家，因此，無論他表態與否，市場都應根據自歐元面世以來兩輪加息周期嘅經驗，理解到上周四歐洲央行打出第一槍，新一輪加息周期已然啟動，歐元起碼可以避過跟美元、日圓沉淪的命運，等通脹肆虐嘅較發達歐盟成員國，成功先行自保將 CPI壓一壓。
多國加息後，歐美投資者憂慮「平錢」年代終結。但美債息率趨升， 10年期債息逼近 3.6厘，美國搵唔到理由要效法歐央行加息，或者全面停止印鈔。由目前至月底嘅聯儲局會議，局勢發展將會相當有趣。
特里謝不負眾望，成功表演，下回還看夾在鷹、鴿兩派中間嘅伯南克如何拆局，但睇嚟佢仲未有咁嘅「吉士」，相信套息交易短期亦停不了，將製造新一輪資產泡沫，炒到爆。

來源 :HK Portal