西環爆嘈新豪宅　走廊都要100萬元

新地（016）西環Imperial Kennedy周邊舊樓林立，記者在下午時份現場觀察，兩條行車路，卑路乍街及石山街熙來攘往，重型貨車、巴士穿梭頻繁，車多路窄，車聲回音極大。
記者在項目現場訪問幾位街坊，均批評該區交通差劣，一聽開價實呎3萬元，為之譁然，甚至認為「唔值呢口價」！
西環居民彭太表示，「該區比較舊，感覺好似好污糟，交通麻麻，始終未有鐵路……冇景觀及配套，有錢都買貝沙灣啦」！就讀港大的蕭同學不諱言，「有時出中環，勁塞車，明明勁近，有時都要塞足一個鐘」。至於同區另一居民區小姐表示，「唔需要賣咁貴，個位唔值，前後都被馬路夾住，好嘈」！

[b]示範單位掩眼法增空間[/b]
示範單位今日開放予公眾參觀，設於國際金融中心一期9樓，包括一個清水房及一個經改動示範單位，兩個同屬36樓A室，實用896方呎，屬三房。記者現場直擊，經改裝的示範單位，拆去近客廳細房牆身，以掩眼法，令客廳空間感強，實際上，睇完清水房，原形畢露。由客廳至主大房特長走廊，現場度過尺，約11呎4吋乘2呎9吋，以實呎3萬元計，價值近100萬元；至於主人房相連工作平台是近年興起的「單人露台」，記者站上去，攝影師一推門，就撞到背脊。

[img]http://static.apple.nextmedia.com/images/apple-photos/apple/20131101/large/01bi01p.jpg[/img]
■西環Imperial Kennedy最快下周開售。

來源:蘋果日報網站