阿信屋賣埋化妝品　股價狂升四成

經營零食生意的阿信屋，日前向傳媒表示有意進軍化妝品零售，消息刺激其母公司CEC國際（759）股價爆升41%。CEC主席林偉駿強調，阿信屋不是「想做莎莎（178）或卓悅（653）」，新店只會賣平價的日本化妝品和小精品：「我哋唔會賣藥，賣嘅貨品都係一百蚊有幾件嗰種，目標客群是6至18歲，做學生生意啫！」
昨日有報道指阿信屋會搞藥妝店，消息刺激CEC股價爆升，早段原本只升10%，尾市卻再度飆高，收報1.57元，全日漲41%至歷史新高，成交額不尋常地高達2億元，CEC市值不過是10.46億元。

[b]駱克道舖屬試驗性質[/b]
主席林偉駿昨日接受查詢時強調，絕非想「撼莎莎或者卓悅」，稱賣的產品及定位都不同：「原本銅鑼灣駱克道間舖，是想做一間24小時阿信屋，但我們的日本供應商來睇舖，就建議我們可試下搞日式的化妝品及精品店，咁咪試吓囉！但完全係試驗性質，完全未諗將來點發展。」
林偉駿表示，新店貨品價格大概是「100蚊有幾件」的範圍，主打做學生及年青人生意，強調「唔會賣藥」，新店將在下月中開幕。
CEC昨晚發公告，重申阿信屋將會開一間日式精品店作試點，但整體業務策略上並無重大改變，除此之外不知悉昨日價格及成交急升原因。

[img]http://static.apple.nextmedia.com/images/apple-photos/apple/20131107/large/14919959z.jpg[/img]
■阿信屋表示，售賣化妝品的範圍限於「100蚊有幾件」。


來源:蘋果日報網站